Nga: AMADEA STEFA
Këshilla praktike.
Benefitet dhe disavantazhet.
Si të meditosh?
Vizualizimi kreativ zhvillon fuqinë e mendjes. Për shembull praktikuesit budistë, vizualizojnë Buda të ndryshëm që shfaqen në Syrin e tyre të Tretë, në Qendrën e Mesazheve ose në pjesën e poshtme të barkut. Praktikuesit taoistë vizualizojnë danin (themeli i energjisë, pika më e madhe që akumulon të gjithë energjinë e trupit) që formohet në pjesën e poshtme të barkut...
Disa praktikues shpirtëror vizualizojnë diellin duke lindur poshtë barkut të tyre. Të tjerët vizualizojnë hapjen e luleve në Qendrën e tyre të Mesazheve ose në pjesën e poshtme të barkut.
1. Dy stilet e meditimit (vazhdim)
Ekzistojnë dy metoda të meditimit të Xiu Lian (për pastrim), që është pikërisht vizualizimi i fokusuar.
Metoda e stilit të hapur përdor imazhe nga natyra (si dielli, hëna, pylli, oqeani ose lulet) si fokus meditimi. Një meditues Xiu Lian i stilit të hapur vizualizon ose projekton thellësisht një imazh nga natyra, jashtë trupit të tij.
Në metodën e stilit të mbyllur, praktikuesit vizualizojnë imazhet e organeve të tyre të brendshme dhe qendrave të energjisë. Ata vizualizojnë organet e brendshme si veshkat, zemrën, stomakun, etj. dhe qendrat e energjisë si Syri i Tretë dhe Qendra e Mesazheve duke e përqëndruar energjinë në një organ ose pikë në trup. Për shembull, ai ose ajo mund të përqendrohet në Dan Tianin e Poshtëm, një qendër kyçe e energjisë në pjesën e poshtme të barkut, duke vizualizuar një top drite ose duke vizualizuar një dan, që është një përqendrim energjie.
1. Avantazhet dhe Disavantazhet e 2 stileve të meditimit
Avantazhi i stilit të hapur është se vizualizimi kreativ i imazheve të natyrës stimulon më shumë trurin dhe zhvillon më shpejt aftësitë e trurit. Disavantazhi i stilit të hapur është se zhvillimi i fuqisë tek organet e brendshme është më i ngadalshëm. Për shkak se imazhi i natyrës vizualizohet jashtë trupit, medituesi mund të humbasë energji dhe të mos ndihet aq i fortë sa ai dëshiron.
Avantazhi i stilit të mbyllur është se trupi fiton energji më shpejt, pasi fokusi është nga brenda, tek qendrat specifike të energjisë dhe organet e brendshme. Disavantazhi i stilit të mbyllur është se aftësitë e trurit zhvillohen më ngadalë sesa me stilin e hapur, sepse stili i mbyllur nuk përdor shumë vizualizim kreativ. Kur praktikohet metoda e stilit të mbyllur, mendja duhet të përqendrohet tek një pjesë e caktuar e trupit. Megjithatë, përqëndrimi duhet të vijë natyrshëm, jo i sforcuar dhe të mos jetë për një kohë të gjatë. Përqëndrimi për një kohë të gjatë krijon shumë nxehtësi në atë zonë specifike, e cila sjell shterimin e ujit në trup, duke shkaktuar dehidratim dhe nxehtësi në të gjithë trupin. Ky efekt është i ngjshëm me ujin e zier të lënë për shumë gjatë në tenxhere. Uji do të thahet dhe tenxherja do të digjet.
Kjo shpjegon edhe gjendjen kur disa njerëz që praktikojnë meditimin për një kohë të gjatë, ndihen të rraskapitur, të mërzitur dhe të pakënaqur. Ata nuk kanë fuqi dhe nuk kanë ndjenjën e paqes në jetën e tyre, sepse përqëndrohen shumë gjatë në një pikë të caktuar, qendër energjetike apo organ. Kjo sjell, që ata dhe të heqin dorë nga meditimi duke mos marrë asnjë përfitim.
2. Si të meditojmë shëndetshëm
Praktikimi i stilit të hapur dhe stilit të mbyllur së bashku është mënyra më e mirë për të bërë vizualizimin kreativ në Xiu Lian. Kombinimi i teknikave jep avantazhet e të dy stileve.
Si ta bëjmë këtë? Fokusoni një imazh të natyrës brenda pjesës së poshtme të barkut tuaj duke përdorur vizualizimin kreativ të pamjeve natyrore që të fitoni shpejt fuqinë e mendjes. Kur vendosni këto pamje dhe imazhe natyrore në pjesën e poshtme të barkut, organet e brendshme stimulohen. I gjithë trupi juaj ndihet më i fortë dhe më energjik. Kjo është bukuria e përdorimit të stilit të hapur dhe stilit të mbyllur së bashku. Ju mund të zhvilloni qelizat të trurit, fuqinë themelore të organeve dhe qendrat energetike në të njëjtën kohë. Ne inkurajojmë fuqimisht metodat e kombinuara të meditimit të hapur dhe të mbyllur për praktikën e Xiu Lian.
