Nga: AMADEA STEFA

Secili nga ne është një shërues i lindur. Nëse ne pritemi pa dashje, plaga shërohet vetë. Nëse ne ftohemi, do të rimarrim veten pas disa ditësh.Të gjitha sistemet e trupit-sistemi imunitar, sistemi kardiovaskular, sistemi nervor, dhe të tjerat-kanë aftësi vetërigjeneruese dhe vetëshëruese.

Të gjitha organet dhe qelizat kanë të njëjtat aftësi. Nëse ato koordinojnë mirë këto aftësi, ato mund të shërojnë gjendjet fizike, emocionale, mendore dhe shpirtërore.

Por që njeriu të shërohet në radhë të parë ai duhet të qetësohet. Kjo është kërkesa më e rëndësishme për shërim. Kur ne jemi të tensionuar dhe të ngurtë, si rrjedhojë qelizat bëhen të tensionuara dhe të ngurta.

Vibrimi qelizor bëhet anormal, dhe kjo do të ndikojë funksionimet, koordinimin dhe balancën e organeve dhe sistemeve. Kjo disbalancë mbështet sëmundejt dhe pengon shërimin. Është shumë e rëndësishme të theksojmë vazhdimisht: relaksimi është kërkesa më e rëndësishme për t’u shëruar. Vetem në gjendje qetësie qelizat vibrojnë në mënyrë aktive dhe në balance duke mbështetur dhe nxitur kështu shërimin.

Së dyti, secili nga ne është një shërues sepse ne të gjithë mund të përdorim mendjen për t’u shëruar. Të menduarit pozitiv, vizualizimi kreativ, imagjinata, meditimit, qëllimet, përqëndrimi dhe manifestimi-të gjitha këto aftësi të mendjes futen në kategorinë e Fuqisë së Mendjes. (Sipas një kërkimi shkencor në SHBA në Departamentin Shëndetësor dhe të Shërbimeve Njerëzore, u zbulua se 70% e sëmundjeve mund të shmangeshin.)

Së treti, teknika më e fuqishme dhe fuqizuese për shërim që është në dispozicion të të gjithëve është të përdorim shpirtin tone. Shpirti ka fuqi të jashtëzakonshme për shërim por sa njerëz janë në dijeni se si të përdorin dhe zhvillojnë Fuqitë e Shpirtit?

Çfarë është përshëndetja e shpirtrave të brendshëm?

Ka dy lloje të fuqive të shpirtrave që ne mund të thërrasim për shërim- shpirtrat e brendshëm dhe të jashtëm. Shpirtrat e brendshëm janë shpirtrat e trupit tone, të sistemeve, organeve, qelizave, AND-së dhe ARN-së. Shpirti ynë dhe shpirtrat e sistemeve, organeve, qelizave kanë fuqinë dhe mençurinë të shërojnë veten dhe të na shërojnë ne.

Shërimi me anë të Përshëndetjes së Shpirtrave është i thjeshtë dhe i drejtpërdrejtë. Thjesht përshëndesim, shprehim dashurinë dhe vlerësimin tonë dhe bëjmë kërkesën tonë. Për shembull, nëse kemi dhimbje shpine, themi Formulën Shëruese për Fuqinë e Shpirtit.

Edhe pse mund tju duket e thjeshtë, kjo formulë mbart mençuri dhe sekrete spirituale shërimi.

Kjo formulë ka 5 fjali:

Përshëndesim: I dashur shpirti, mendja dhe trupi i ….,(p.sh. i shpinës sime)

Japim dashuri: Unë të dua shumë.

Afirmojmë/Pohojmë: Ju keni fuqinë të shëroheni vetë.

Japim urdhër: Bëni një punë të mire!

Shprehim mirënjohje dhe mirësjellje: Faleminderit!

Më pas relaksohemi plotësisht për 3 minuta. Vëreni se çfarë ndodh. Mund të përjetoni një mrekulli, mund të ndiheni më mire, mund të ndiheni pak mirë ose mund të mos ndjeni gjë. Por fakti që nuk ndjen asgjë nuk do të thotë që formula nuk funksionon.