Pas javësh me diell, ujë deti, klor dhe ekspozim ndaj nxehtësisë, flokët mund të duken më të thatë, të ashpër dhe pa shkëlqim. Por, sipas ekspertëve të flokëve të cituar nga Real Simple, kjo nuk do të thotë domosdoshmërisht se flokët janë dëmtuar në mënyrë të pakthyeshme. Shpesh bëhet fjalë për dehidratim, grumbullim mineralesh dhe dëmtime të shkaktuara nga fërkimi i përditshëm.

“Çfarë mund të bëjmë për t’i rikthyer flokët në formë pas verës?”

Trikologia e certifikuar Christine McMillan rekomandon fillimisht largimin e mbetjeve të klorit, mineraleve, kremrave kundër diellit dhe produkteve të stilimit që mund të grumbullohen në flokë.

Më pas, këshillohet përdorimi i produkteve hidratuese dhe maskave për flokët, ndërsa kondicioneri mund të ndihmojë në zbutjen e tyre dhe në uljen e fërkimit që shkakton këputje. Ekspertët theksojnë gjithashtu rëndësinë e kujdesit për skalpin, pasi dielli, djersa dhe larjet e shpeshta mund ta thajnë atë. Për flokët që janë ekspozuar shumë ndaj diellit, kripës dhe klorit, rekomandohet hidratimi i rregullt dhe kufizimi i përdorimit të mjeteve me nxehtësi.