1. Kus kus me banane e bajame

Përbërësit

1 gotë ujë

1 gotë kus kus

1 banane

1 grusht bajame të pjekura

Kripe

Piper

Vaj ulliri

1 filxhan qumësht kokosi

Në një enë ziejmë 1 gotë ujë dhe më pas shtojmë kuskus në raportin 1 me 1. Hedhim kripë, piper, 1 banane në copa dhe disa bajame të pjekura, pak vaj ulliri dhe 1 filxhan qumësht kokosi.

2.Krem bavarez me kajsi

Përbërësit

300 ml ujë

80 gr sheqer

Vanilje

2 kajsi

200 ml qumësht

3 vezë

3 lugë mjaltë

Xhelatinë gatimit

Përgatitja

Përgatisim një shurup duke hedhur në 300 ml ujë, 80 gr sheqer dhe pak vanilje. E lëmë shurupin të marrë valë e të trashet pak duke shtuar dhe 2 kajsi të freskëta të prera në copa. E frulojmë shurupin dhe e vendosim në frigorifer. Në një tenxhere vendosim 200 ml qumësht, sapo qumështi të ngrohet shtojmë pak mjaltë dhe e trazojmë derisa të tretet. Në një enë rrahim 3 të verdha vezësh me pak mjaltë, shtojmë qumështin duke e trazuar me kujdes. Në një enë me ujë të ftohtë kemi vendosur më pare xhelatinë bimore të shkrijë. E shtojmë xhelatinën tek kremi I përgatitur, shtojmë dhe disa copëza kajsie dhe e ndajmë në gota krem karameli. I vendosim në frigorifer për disa orë derisa të mpiksen, më pas bëjmë servirjen me disa copëza kajsie dhe shurupin. 

3.Biskota me kikirik

Përbërësit

250 gr miell

180 gr gjalpë kikiriku

1 dorë kikirikë

Rrush të thatë

Kanellë

Vanilje

1 vezë

Përgatitja

Marrim 250 gr miell që fryhet vetë, e hedhim në blender duke shtuar 180 gr gjalpë kikiriku, një dorë kikirik, rrush të thatë, kanellë, vanilje dhe një kokërr vezë. I rrahim në blender dhe më pas I japim formën e biskotave sipas madhësisë që duam. I vendosim në furrë të parangrohur në temperaturën 180 gradë Celsius përrreth 25 minuta.

4.Brusketa me rukola e lajthi

Përbërësit

Disa feta bukë pa gluten

2 domate

Vaj ulliri, ullinj

Një tufë ruloka

Lajthi të pjekura

Hudhër

Borzilok

Kripë, piper, majdanoz

Përbërësit

Përzgjedhim bukë pa gluten ose integrale me fara dhe e presim në feta jo shumë të trasha. Presim në kubikë të vegjël dy kokrra domate dhe i vendosim në një tas ku shtojmë një lugë vaj ulliri, disa kokrra ullinj të grimcuara, rukola, lajthi pa kripë të pjekura dhe të grira, shumë pak hudhër, borzilok, kripë himalaje, piper dhe majdanoz. E trazojmë mire dhe e shërbejmë mbi fetat e bukëve.

5.Kos tërshëre me salcë qershie

Përbërësit

500 gr qershi

1 kokër pjeshkë

1 gotë ujë

1 filxhan arra

Pak kanellë

Mjaltë

Kos

Tërshërë

Rrush të thatë

Përgatitja

Marrim rreth 0.5 kg qershi, u heqim bërthamën. Bashkë me një kokërr pjeshkë, të cilën e kemi prerë në fetëza i hedhim në një tenxhere me pak ujë dhe i lëmë të ziejnë për pak minuta, duke shtuar pak arra, kanellë dhe në fund mjaltë. Më pas i largojmë nga zjarri, i hedhim në blender dhe i rrahim mire derisa të përftojmë një masë kremoze. E vendosim në frigorifer të ftohet dhe kur duam të përgatisim një mëngjes të shëndetshëm, marrim një gotë kos, shtojmë tërshërë dhe I hedhim disa lugë nga salca që përgatitem me qershi. Në fund shtojmë pak rrush të thatë.