Kjo supë aromatike do ju kënaqë shpirtin . Është një gatim i shpejtë që permban gjoks pule pa kocka, pa lëkurë, spinaq gjethe vogël dhe fasule të ziera. Gjithashtu një pesto e thjeshtë borziloku të bërë në shtëpi, e shtuar në fund për të një aromë të freskët barishtesh. Nëse nuk keni kohë, mund ta zëvendësoni 3 deri në 4 lugë gjelle me një pesto borziloku të blerë në dyqan.
Përbërësit:
2 lugë vaj ulliri ekstra të virgjër
½ filxhan karota të prerë në kubikë
1 gjoks i madh pule pa kocka, i prerë në katërsh
1 thelpi hudhër e madhe, e grirë
5 gota supë pule
1 ½ lugë çaji borzilok të tharë
Një tufë spinaq i vogël, i prerë trashë
1 filxhan fasule të ziera
¼ filxhan djathë parmixhano të grirë
⅓ filxhan gjethe të freskëta borziloku
Piper i freskët i bluar
¾ filxhan krutona /bukë ë thekur e prerë në kubikë
Përgatitja
Ngrohni 2 lugë çaji vaj në një tenxhere të madhe mbi nxehtësinë mesatare-të lartë. Shtoni karotën (ose specin e kuq nëse sdoni karrotë) dhe pulën; gatuajeni, duke e kthyer pulën dhe duke e përzier shpesh, derisa të fillojë të skuqet, 3 deri në 4 minuta. Shtoni hudhrën dhe gatuajeni, duke e trazuar, edhe për 1 minutë. Shtoni lëngun dhe borzilokun; lëreni të ziejë në zjarr të lartë. Ulni zjarrin dhe ziejini, duke e përzier herë pas here, derisa mishi i pulës të jetë gatuar, rreth 5 minuta.
Copat e pulës vendosini në një dërrasë të pastër për t’u ftohur. Shtoni spinaqin dhe fasulet në tenxhere dhe lërini të ziejnë lehtë. Gatuani për 5 minuta për të përzier shijet.
Kombinoni 1 lugë gjelle vaj të mbetur, parmixhanin dhe borzilokun në një procesor ushqimi. Përpunoni derisa të formohet një pastë e trashë, duke shtuar pak ujë dhe duke gërvishtur anët sipas nevojës.
Pritini pulën në copa sa një kafshatë. Përzieni pulën dhe peston në tenxhere, shtoni piper dhe në fund nëse dëshironi, zbukurojeni me krutona (bukë të thekur).
Ju bëftë mirë!
