Nga INDRIT TILA
Dietat me bazë bimore mund të mbrojnë nga alergjitë dhe të ndihmojnë në trajtimin e sëmundjeve të rënda alergjike.
Një punim akademik që heton lidhjen midis ushqimit dhe alergjive ka zbuluar se dietat me bazë bimore mund të luajnë një rol kyç në mbrojtjen e të sëmurëve nga alergjitë.
Zhang Ping i Kopshtit Botanik Tropical Xishuangbanna ka bërë kërkime të më shumë se një dekade për të parë se si dieta ndikon në simptomat e alergjive.
Të publikuara në gazetën Nutrients, rezultatet nxjerrin në pah potencialin e ushqimeve me bazë bimore në mbrojtjen kundër alergeneve.
Çfarë janë alergjitë dhe çfarë ndikon në to?
Alergjia është përgjigja e sistemit imunitar të trupit ndaj gjërave të tilla si polenet, ushqimet, mikro insektet apo pluhurit të shtëpisë.
Në shumicën e njerëzve, këto substanca janë të padëmshme. Por për të tjerët, sistemi i tyre imunitar i identifikon ato si një kërcënim dhe prodhon një përgjigje të papërshtatshme.
Ka ende shumë debate rreth mënyrave për të parandaluar ose minimizuar alergjitë. Disa sugjerojnë ekspozimin e hershëm ndaj alergeneve dhe ushqyerjen me gji si masa parandaluese. Gjithashtu përgjithësisht pranohet se probiotikët – bakteret e dobishme – mund të ndihmojnë në uljen e rrezikut të zhvillimit të alergjive.
Si mund të ndihmojë një dietë me bazë bimore në luftimin e alergjive?
Studimi nxori në pah disa faktorë rreziku dietik dhe ushqimor të lidhur me alergjitë.
Këto faktorë përfshijnë yndyrna të larta të ngopura, kolesterol, fibra të ulta ne dietë dhe gjithashtu sasi të ulëta të perimeve e frutave.
Z. Ping gjithashtu vuri në dukje se kishin lidhje gjithashtu sasitë e larta të sheqernave , ushqimet e përpunuara dhe nivelet e ulëta të hekurit e vitaminave A, D dhe E.
Nga studimi pohohet se “dietat e balancuara me bazë bimore mbrojnë nga alergjitë dhe zvogëlojnë ashpërsinë e sëmundjeve alergjike sepse dietat me bazë bimore përmbajnë sasi të larta të lëndëve ushqyese anti-alergjike”.
Rëndësia e fibrave për të luftuar alergjitë
Studimi shpjegon se “fibrat e mjaftueshme dhe marrja e mjaftueshme e makronutrientëve janë thelbësore për ruajtjen e tolerancës imune ndaj alergeneve”.
Shoqata Britanike Dietetike (BDA) rekomandon që të rriturit të synojnë për rreth 30 gram fibra çdo ditë. Aktualisht, mesatarja e të rriturve në Mbretërinë e Bashkuar merr vetëm 18 g, thotë BDA.
Ata që ndjekin një dietë me bazë bimore marrin natyrisht më shumë fibra. Në të vërtetë, ushqimet e rekomanduara nga BDA për të rritur marrjen e fibrave janë të gjitha me bazë bimore. Disa nga ushqimet më fibroze përfshijnë kikirikët (7,6 g), fiqtë (6,9 g), majdanozi (4,7 g) dhe luleshtrydhet (3,8 g).
Përveçse ndihmon ata që vuajnë nga alergjitë, fibra ka një sërë përfitimesh të tjera shëndetësore. Sipas Shërbimit Kombëtar të Shëndetit në Mbretërinë e Bashkuar (NHS), ka prova të forta që lidhin fibrat me një rrezik më të ulët të sëmundjeve të zemrës, goditjes në tru, diabetit të tipit 2 dhe kancerit të zorrëve.
