Nga: Adja Angjeli
Tiroidja është një gjëndër e vogël, por e fuqishme, që ndikon pothuajse në çdo funksion të trupit – nga metabolizmi deri te energjia dhe mirëqenia mendore. Probleme si hipotiroidizmi dhe hipertiroidizmi po bëhen gjithnjë e më të zakonshme, veçanërisht tek gratë, për shkak të kombinimit të faktorëve hormonalë, ushqyes dhe mjedisorë…
Lajmi i mirë? Përtej mjekimit konvencional, ka shumë metoda holistike që mund të ndihmojnë në menaxhimin e gjendjes dhe përmirësimin e cilësisë së jetës.
Çfarë ndikon në shëndetin e tiroides?
1. Stresi kronik: Kortizoli i lartë pengon prodhimin e hormoneve të tiroides dhe mund të çojë në mosbalanca.
2. Mungesat ushqyese: Elementë si jodi, seleni dhe vitamina D janë kyçe për funksionimin e tiroides.
3. Intolerancat ushqimore: Gluteni dhe produktet e qumështit mund të shkaktojnë inflamacion tek individët me predispozitë për sëmundjet autoimune të tiroides.
4. Toksinat mjedisore: Substanca si BPA dhe metale të rënda mund të dëmtojnë funksionin e tiroides.
Qasja Holistike për Shëndetin e Tiroides
1. Ushqimi si ilaç
- Fokusohuni në një dietë anti-inflamatore që përfshin:
- Peshk të pasur me omega-3 (p.sh., salmon, sardele).
- Perime kryqëzore të gatuara (brokoli, lakra, lulelakra) në sasi të moderuar për të shmangur efektin goitrogjenik.
- Arrat e Brazilit (burim i pasur i selenit).
- Vaj kokosi për të mbështetur metabolizmin.
- Shmangni glutenin, qumështin dhe ushqimet e përpunuara, të cilat mund të rrisin inflamacionin.
2. Mbështetja e zorrëve
Zorra e shëndetshme është themeli për mirëqenien hormonale. Përfshini probiotikë natyralë si kefiri pa qumësht, lakra turshi dhe kimchi.
Konsumo cdo dite leng selinoje!
3. Ulja e toksinave mjedisore
Zëvendësoni produktet plastike me ato qelqi ose çeliku.
Përdorni produkte kozmetike dhe pastrimi të pastra, pa kimikate të dëmshme.
Pini ujë të filtruar për të shmangur metalet e rënda dhe kimikatet si klori dhe fluori.
4. Menaxhimi i stresit
Praktika si yoga, meditimi dhe frymëmarrja diafragmatike ndihmojnë në uljen e kortizolit, duke përmirësuar funksionin e tiroides.
5. Mbështetja me suplemente
Selen: Mbështet detoksifikimin e tiroides dhe ul inflamacionin.
Ashwagandha: Një adaptogjen që ndihmon në reduktimin e stresit dhe mbështet tiroiden.
Shembull i një Dite të Shëndetshme për Tiroiden
Mëngjesi:
Omletë me spinaq dhe vaj kokosi.
Çaj me xhenxhefil dhe limon.
Dreka:
Salmon i pjekur me brokoli të zier në avull dhe avokado.
Snacks:
Arra të Brazilit dhe një lugë gjelle fara chia të zhytura në qumësht bajamesh.
Darka:
Pulë me lëng limoni dhe sallatë rukola me vaj ulliri.
Para gjumit:
Çaj kamomili ose finoku ose lemon balm për relaksim.
