Gjumi është një proces i ndryshëm për gratë dhe burrat për shkak të natyrave të ndryshme biologjike. Shumë studime rekomandojnë që na duhen rreth 8 orë gjumë. Megjithatë, studimi i fundit shkencor ka treguar se 8 orë gjumë, nuk i mjaftojnë trupit, veçanërisht për gratë.

Kjo, pasi gratë kërkojnë më shumë pushim sepse aktiviteti i trurit të tyre është më i lartë. Studimet e fundit neurologjike kanë treguar se i ashtuquajturi gjumë i bukur apo restaurues nuk është një mit.

 Gjumi i mjaftueshëm do ta bëjë lëkurën tuaj të duket më e mirë. Sigurohuni që të flini më shumë se 8 orë nëse jeni grua. Është jetike për shëndetin tuaj të përgjithshëm!

Një studim i kryer nga studiuesit britanikë në Universitetin Loughborough, zbuloi se për shkak se gratë moderne duhet të përballen me stresin e punës dhe të shtëpisë, ato duhet të flenë pak më shumë se burrat. Nevoja që femrat të flenë më shumë, bazohet në strukturën e trurit të tyre, e cila është krejt e ndryshme nga ajo e meshkujve.

Sistemi hormonal tek femrat është i ndryshëm. Ky studim u krye me 4600 vullnetarë, të moshës nga 35 deri në 55 vjeç, gjysma e të cilëve ishin meshkuj. Të dy testet laboratorike dhe hetimet klinike zbuluan se trupi i grave përbëhet nga një mekanizëm i tërë hormonal për të kompensuar mungesën e gjumit.

Një numër i vogël i orëve të gjumit e mbingarkon trupin dhe e ndikon atë në mënyrë të pakthyeshme, veçanërisht në aktivitetin kardiak. As metabolizmi i lipideve dhe i karbohidrateve nuk kursehet nga pasojat e dëmshme të mungesës së pushimit.

Sa më pak të flejë një grua, aq më shumë është e prirur për të fituar peshë të tepërt dhe për të zhvilluar diabetin, veçanërisht pas moshës 40 vjeçare.

Lidhja mes gjumit dhe konsumit të sheqerit

Ndër shenjat e para që tregojnë se nuk jeni duke fjetur mjaftueshëm është nevoja për të ngrënë sa më shumë të ëmbla. Lodhja e akumuluar ndikon negativisht edhe në tonin e muskujve. Sa më e lodhur të jetë një grua, aq më të ulëta do të jenë shqisat e saj.

Intuita dhe durimi janë më të prekurat

Një studim i vitit 2013 nga studiues në Universitetin e Pensilvanisë konfirmoi se gratë janë kampione në kryerjen e shumë detyrave gjatë ditës , ndërsa burrat nuk janë aq të aftë në ngarkesën ditore.

“Truri i grave është në gjendje t’i përgjigjet detyrave të shumta në të njëjtën kohë, kështu që ato janë më kërkuese, prandaj nevoja më e madhe për pushim,” tha Jim Horne, autori i studimit në atë kohë.

Rreziqet e mungesës së gjumit janë të mëdha

Nëse nuk flini të paktën 7-9 orë në natë, rreziku i zhvillimit të demencës është shumë më i lartë. Gjithashtu nxit shfaqjen e depresionit, zemërimit dhe çrregullimeve hormonale.

“Sa më shumë të ngarkojmë trurin tonë gjatë ditës, aq më e gjatë do të na nevojitet periudha e rikuperimit, pra më shumë gjumë”, shtoi Horne. Duhet të kihet parasysh se ekzistojnë tre lloje të përkeqësimit të gjumit, përkatësisht pagjumësia, hipersomnia dhe gjumi jo restaurues. Të gjitha janë të dëmshme për trupin tuaj. Ankthi i zgjatur mund të shkaktojë pagjumësi, si dhe gjumin jo restaurues.

Shumë mendime ju bëjnë të shqetësoheni dhe nuk e lejojnë trurin të shkëputet dhe të rigjenerohet plotësisht!