Nga ALTIN JOKA

Nëse vuani nga sëmundja kronike e veshkave (CKD), duhet të përqendroheni në zgjedhjet dietike për të menaxhuar gjendjen tuaj dhe për të parandaluar dëmtimin e mëtejshëm të veshkave.

Si funksionojnë veshkat dhe çfarë janë nefronet?

Veshkat përbëhen nga njësi të vogla filtruese të quajtura nefrone. Këta nefrone janë filtra shumë të sofistikuar që largojnë mbetjet nga gjaku dhe gjithashtu rregullojnë elektrolitet, hormonet, vitaminat, mineralet dhe proteinat.

Nëse këta filtra janë dëmtuar, duhet të rishikoni zgjedhjet tuaja ushqimore. Ushqimi me nivele më të larta të fosforit, kaliumit dhe natriumit mund të jetë i dëmshëm.

Çfarë duhet të hani për shëndetin e veshkave?

Nëse keni CKD (sëmundje kronike të veshkave), është thelbësore të eliminoni ushqimet e rafinuara, sheqernat dhe niseshte, pasi ato mund të përkeqësojnë dëmtimin e veshkave.

Shmangni ngrënien e shpeshtë jashtë. Përgatitni vaktet tuaja në shtëpi për të siguruar cilësinë e përbërësve.

Cilat superushqime për shëndetin e veshkave?

*Zgjidhni proteina me nivele më të ulëta të fosforit. Salmoni dhe sardelet janë ushqyese, por ato janë më të larta në fosfor dhe nuk jane alternative per ju. Merluci është një alternativë më e mirë pasi ka më pak fosfor por sduhet konsumuar shpesh

*Pacientët me veshka duhet të shmangin mishrat e organeve si mëlçia, të verdhat e vezëve dhe arrat, pasi ato janë të larta në fosfor dhe mund të sforcojnë veshkat.

*Përqendrohuni te perimet që janë të ulëta në kalium, magnez dhe oksalate. Këtu përfshihen asparagus, selino, marule, avokado, kastravec, hudhër, lakër, lulelakër , kërpudha,ananasi,kumbulla,pjeshka,mjedra,selino. Këto perime janë gjithashtu më të ulëta në toksina si oksalatet dhe taninet. Këto toksina mund të përkeqësojnë problemet e veshkave.

*Bajamet, spinaqi dhe çokollata janë të pasura me oksalate dhe duhen ulur në konsum. Këto mund të rrisin inflamacionin e veshkave.

*Ushqimet e fermentuara si turshitë janë të shkëlqyera për shëndetin e veshkave. Këto ushqime të fermentuara ndihmojnë në reduktimin e toksicitetit në veshka dhe mbështesin shëndetin e përgjithshëm të zorrëve,sidomos lakra turshi

*Avokadot ofrojnë yndyrna të dobishme që mbështesin shëndetin e veshkave dhe të mëlçisë.

*Vaji ekstra i virgjër i ullirit është një tjetër zgjedhje e shkëlqyer, pasi është anti-inflamator dhe i pasur me fitonutrientë dhe vitaminë E.

*Mbani një nivel të mirë të vitaminës D, pasi veshkat luajnë një rol kyç në shndërrimin e vitaminës D joaktive në formën e saj aktive.

*Shmangni kripën e detit. Megjithëse përmban minerale të vlefshme, është gjithashtu i lartë në natrium.

ÇAJRAT QË MUND TË PËRDORNI

Çaji i trëndafilit

Boronica

Dëllinja, xhinxheri, hithra, sherebela

Aloe vera, curcumi, fenugrek, koper, majdanoz.