Nga DIOLA DOSTI

Quercetina dhe roli i saj anti – moshë, në cilat produkte e gjejmë dhe efektet e tjera të saj! Është pikërisht quercetina e cila i jep lëkurës së mollës pak shije si më të thartë. Ajo njihet si një senolitik natyral.

Në 1936, Albert Szent Gyorgvi, i cili fitoi cmimin Nobel për zbulimin e vitamines C, sugjeroi që një klasë e fitoestrogjeneve, të quajtur flavonoide, duhet të konsiderohen si vitamina. Madje ai propozoi që ato të quhen si vitamina P. Flavonoli më i zakonshëm në një regjim ushqimor ështët quercetina, e cila gjendet në sasi të përqëndruar tek qepët, kale dhe  mollët.

Është pikërisht quercetina e cila i jep lëkurës së mollës pak shije si më të thartë. Ajo njihet si një senolitik natyral.

Në studime me minjtë, u pa se quercetina ndihmon në rritjen e jetëgjatësisë, përmirësimin e shëndetit të zemrës dhe rritje të përformancës së ushtrimeve fizike. Qepët gjithashtu kanë quercetin afro 20 mg.

Nuk thuhej kot për mollët që: një mollë në ditë mban doktorin larg, sepse dhe mollët kanë 4-20 mg quercetin.

Por mollët në këtë rast, rekomandohen të konsumohen bashkë me lëkurë dhe këtu sigurisht duhet të kemi kujdes të shtuar tek larja e tyre.Gjithashtu edhe suplementet e izoluara me quercetinë, kanë rezultuar efektive në uljen e tensionit të gjakut, reduktimin e kolesterolit të keq dhe inflamacioneve. Për të patur akoma më shumë sukses në profilin antimoshë, koktejlit ushqimor me quercetin, mund ti shtojmë dhe fisetinën, një tjetër flavonoid. Madje një studim tregoi se përdorimi i fisetin, zgjati jetëgjatësinë e mizave të frutave me 23 përqind.

Jo vetëm kaq, por një eksperiment tjetër me minj, tregoi se përdorimi i fisetinës, përmirësoi memorien dhe ka efekt antiinflamator.

Po, ku e gjejme fisetinën?

E gjejmë tek luleshtrydhet, si burimi më i pasur me fisetin. Luleshtrydhet gjithashtu përmirësjnë funksionet konjitive, ulin kolesterolin dhe inflamacionet. Një tjetër komponent përgjegjës për jetëgjatësinë dhe antiplakjen është pippali ose pipperlongumine i gjetur tek kurkumina, e cila sigurisht nuk lejohet në shtatzani dhe gjidhënie.