Nga HYRIDA BASHA
Ngjyra e urinës tregon nivelin e dehidrimit. Sa më e errët të jetë ajo, aq më pak ujë ka konsumuar individi.
Sa më e zbehtë ngjyra e saj aq më shumë tregon se individi ka konsumuar ujë dhe niveli i hidratimit është i lartë.
Sa i takon ngjyrës, të gjithë keni pyetur veten pse është e verdhë? Kohë më parë shkencëtarët identifikuan një enzimë përgjegjëse. Këto të dhëna u publikuan në 3 Janar në Nature Microbiology. Kjo enzimë quhet bilirubinë reduktazë.
Në këtë studim, kërkuesit vëzhguan sesi mikrobioma intestinale është e lidhur me verdhëzën tek fëmijët. Shpesh të sapolindurit kalojnë verdhëzën që i jep lëkurës ngjyrën e verdhë dhe rritjen në gjak të bilirubinës. Kjo sepse mëlcia e të porsalindurit nuk është ende e zhvilluar për të eleminuar bilirubinën.
Trupi kthen bilirubinën në gjak në molekulë në urinë të quajtur urobilin, kjo ishte e njohur për këdo.
Ajo cfarë nuk dihej është se cila enzimë apo grup enzimash në zorrë ishte përgjegjëse për këtë transformim, u zbulua se mikrobet e zorrës prodhojnë BilR e cila prodhon bilirubinë reduktazën e cila më pas konverton bilirubinën në një nënprodukt pa ngjyrë të quajtur urobilinogen. Urobilinogen, më pas degradon apo shpërbashkohet në urobilin, e cila i jep ngjyrën e verdhë urines. Bilirubinë reduktaza është një oksidoreduktazë që vepron me lidhjet dyfishe të karbonit.
Bilirubina shpesh mungon tek fëmijët me verdhëz dhe tek disa individë me sëmundjen e zorrës së inflamuar. Bilirubinë reduktaza është e pranishme në të gjithë të rriturit e shëndetshëm.
Kjo mungesë mund të ndikojë në verdhëzën e foshnjërisë dhe në formimi e gurëve të tëmthit. Nëse kjo hipotezë vërtetohet do ishte një arritje pasi mund ta integrojmë bakterin përgjegjës nëpërmjet strategjisë së probiotikëve.
Kjo enzimë mungon në njerëz me sëmundjen Crohn dhe koliti ulcerik. Mungesa e mikrobeve të bilirubinës nxit formimin e gurëve në tëmth.
