Këto speca të mbushur me erëza janë plot shije. Zgjidhni speca mishtorë me ngjyra të ndryshme, dhe shijoni një gatim fantastik, të thjeshtë dhe super të shëndetshëm.

Përbërësit

Vaj ulliri

1/2 filxhan thjerrëza kafe, të lara dhe të kulluara

1/2 filxhan kuskus të imët

1/2 lugë çaji kripë,

1 kavanoz domate të thara në vaj

1/2 filxhan bajame të grira

1/3 filxhan djathë feta të grimcuar

4 qepë të njoma të grira

2 thelpinj hudhre, te grira

1 lugë çaji qimnon i bluar

1 lugë çaji trumzë e tharë

1/2 lugë çaji piper i bluar

4 speca, të përgjysmuara për së gjati dhe me fara

Përgatitja

Në një tenxhere të madhe, vendosni 1e 1/2 filxhan ujë në zjarr të fortë. Shtoni thjerrëzat dhe lerini të ziejnë. Ulni nxehtësinë në mesatare në të ulët, mbuloni tenxheren me kapak dhe gatuajeni për 15 minuta. Shtoni kuskusin dhe 1/4 lugë çaji kripë tek thjerrëzat, mbuloni tenxheren edhe një herë dhe gatuajeni duke e lënë kuskusin të përthithet.

Hiqeni tenxheren nga zjarri dhe lereni te pushoje të mbuluar për 5 minuta më shumë. Përziejeni masën me pirun. Shtoni domatet dhe 2 lugë vaj domate së bashku me bajamet, djathin, qepët e njoma, hudhrat, qimnonin, trumzën, 1/4 e lugës së mbetur të kripës dhe piper. Duke përdorur pirunin, përzieni për t’u kombinuar. Në enën e përgatitur për pjekje renditni specat me anën e prerë lart. Ndani mbushjen me thjerrëza-kuskus midis 8 varkave me speca. Mbulojeni enën e pjekjes fort me fletë metalike dhe piqni për 30 minuta. Hiqni letrën dhe vazhdoni të piqni specat, të pambuluara, derisa të zbuten, 10 deri në 15 minuta më shumë. Ju bëftë mirë!