Nga HYRIDA BASHA

Përgjithsisht, deri në 5 vite pas trajtimit me dietorerapi , 95% të personave ish-obezë kthehen sërish obezë pasi rikërkojnë të kthehen në stilin e parregullt të ushqyerjes.

Kjo arsye është kthyer në një mjedis fertil për kompanitë e prodhimit të “pilualve magjike” të dobësimit duke bërë që këta individë të bien pre e terapive jo të përshtatshme, ndonjëherë edhe të rrezikshme (pilula dobësuese, integratorë të djegies së dhjamit, shurupet detoks etj.)

Është shumë e rëndësishme që të mos theksohet efekti “dobësues” i këtyre pilulave apo integratorëve, dhe duhet kujtuar se thjesht kanë një efekt sekondar në dietoterapi. Çdo integrator mund të shkaktojë efekte të padëshirueshme. Pilulat me bazë kafeine mund të provokojnë shqetësime me frekuencë kardiake e nervore (gjum i çrregullt, ankth, aritmi, rritje të presionit arterial etj), ato me bazë kurkuminë janë të lidhura me hepatitin kolestatik, ndërkohe sasi e tepruar e fibrave lidhet me crregullimet në jashtëqitje.

Në përgjithësi KËTO PILULA PËRMBAJNË:

FIBRA (të tretshme dhe të patretshsme);

KITOZAN, një karbohidrat që gjendet tek skeleti i jashtëm i krustaceve i cili mesa duket mund të reduktojë  absorbimin e kolesterolit dhe yndyrnave në ushqime; ekstrakte vegjetale (kurkuminë, garcinia Cambogia, piper të zi, caj jeshil, kafe jeshile, guarana etj.); kafeinë dhe substanca të tjera termogenike, pra që induktojnë një proces metabolik në organizëm i aftë të prodhojë nxehtësi, të djegë kalori, mbi të gjitha të indit dhjamor;

ACID LINOLEIK I KONJUGUAR (CLA), acid yndyror esencial i cili është pjesë  e serisë së yndyrnave  Omega-6 dhe që mund të ndihmojë në reduktimin e depozitave të dhjamit dhe të rrisë mbrotjen imunitare; karnitinë, një substancë prezente në inde, dhe ka një rol në metabolizmin e yndyrnave duke lehtësuar transformimin e dhjamit në energji;

FAZEOLAMINË, një glikoproteinë prezente në fasulen e bardhë e cila pengon aktivitetin e disa enzimave të prodhuara nga pankreasi dhe mëlcia;  alfa-amilaza që kanë efekt të transformojnë amidonin në glukozë.

Nga të gjitha cfarë u tha më sipër, nuk u vu re të përmendeshin minerale dhe vlera të tjera ushqyese për organizmin. Ndaj themi se janë sekondare , pasi konsumi i tyre nuk plotëson absolutisht nevojat kalorike dhe nutritive të individit. Përkudrazi ato reduktojnë urinë duke bërë të mundur humbjen e shumë e elementëve të nevojshëm. Pikërisht ato elementë që nga regjmet ushqimore, marrim cdo nevojë që ka organizmi. Në varësi të problematikës bëhet dhe kombinimi i tre makronutrientëve duke përfituar dhe mikroelementët.

Aktiviteti fizik nuk duhet të mungojë, dhe sipas atij duhet vlerësuar dhe kalorazhi.

Evitoni dietat e marra nga shoku, nga internet, dietat sipas jush, apo medikamente mrekullibërëse dobësuese

Mos shmangni vaktet

Krijoni variacion në llojshmërinë e produkteve duke evituar kështu monotoninë dhe deficencat.

Krijoni përzgjedhje më shumë të ushqimeve me sasi të konsiderueshme të fibrave dhe sasi shumë të ulët të sheqernave

Zgjidhni ushqime me yndyrna të mira dhe të pangopura

Evito pijet alkoolike të cilat furnizojnë me kalori boshe.

Evito pijet e ëmbëlsuara dhe gazuar të cilat jo vetëm që ofrojnë një sasi të lartë të kalorive e nuk kanë asnjë vlerë shëndetësore por edhe prishin ekuilibrin e urisë dhe ngopjes.

Evito ëmbëlsirat pasi janë shumë të pasura me yndyrna.

Evito produktet e skuqura e të pjekura në prush pasi kanë sasi të lartë karboni dhe të yndyrnave të hidrogjenizuara.

Evito margarinën dhe yndyrnat shtazore

Evito majonezin,  ketchup, senape, BBQ dhe salca të tjera  

Evito snack si psh  patatina, kokoshkat e paketuara, pica dhe fokace pasi kane sasi të larta kripë, akrilamide, sheqer dhe yndyrna trans.

Cila është sasisa e ushqimeve që duhen konsumuar?

FRUTA është e këshillueshmë të konsumhen max 400 gram, këshillohet të konsumohen me lëkurë, pasi është pjesa e frutit e pasur me më shumë fibra dhe vitamina.  Të limitohet pak sasia e frutave me shumë sheqer si : banane, fiq, rrush, kaki, hurma etj.  

FRUTA TË THATA në sasi të vogla, përmbjanë sasi të larta të yndyrnave të pangopura.

VAJRA VEGJETALË si vaji i ullirit, vaj orizi, soje, luledielli, misri, kikirik, përmbajnë sasi të lartë proteinash. Është e këshillueshme të dozohen me lugë gjelle për ta kontrolluar më mirë sasinë.  

KRIPA: të konsumohet maksimumi 5 g kripë në ditë dhe preferohet e jodizuar.

KAFE: 450 mg kafeine ne ditë, maksimumi 2-4  filxhanë në ditë  (në varësi tw ndjeshmërisë, disa individë duhet të limitojnë përdorimin)

PERIME stine të gatuara dhe krudo, lloje të ndryshme dhe sasi të bollshme. Kështu sigurojmë gjithë sasitë e nevojshme me minerale antioksidantë  dhe vitamina.

KUJDES: Shpesh ju shkruaj tek regjimi në kllapa (psh  pulë me perime furrë, dhe nëse shton patate mos konsumoni bukë…), kjo sepse patatja është një zëvendësues i karbohidratit në këtë rast, ndaj kujdes me kombinimin e patates me bukë, oriz apo makarona.

BUKË – makarona, oriz, tërshërë, elb, kus-kus, bollgur, hikërr dhe tipe të tjera drithërash, preferoni ato integralet. Alternojini gjatë javës. Është mirë të konsumohen pasi kanë indeks glicemik të ulët në raport me ato jointegrale. Gjithashtu përmbajnë më shumë fibra të cilat  nxisin ngopjen.

PESHK: të paktën 3 herë në javë. Të preferohen sardelet, acuget, salmon

LEGUMET, të paktën dy herë në javë.  Fasule, bathë, thjerrëza, qiqra, bizele, të cilat mund të përdoren në formë sallate, supe, tavë me perime. Janë shpesh zevendesues I proteinave shtazore. Është mirë të kombinohen me drithërat.  

BULMET: Kos dhe qumësht të skremuar ose pjesërisht të skremuar, të paktën 1 porcion në ditë.

MISH si i kuq dhe i bardhë, të largohet masa e dukshme  e dhjamit dhe të përdoren 3 herë në javë.

DJATHRAT të përdoren si një alternativë e pjatave sekondare me proteina shtazore. Këshillohet të përdoren djathrat e stazhonuar.